شلون نختار المرشح ؟

التفاصيل

المجموعة: الفضاء الحر

تم إنشاءه بتاريخ الإثنين, 16 نيسان/أبريل 2018 19:42

نشر بتاريخ الإثنين, 16 نيسان/أبريل 2018 19:42

كتب بواسطة: ناظم

الزيارات: 1590

كتب/ سمير السعد 

في فوضى الانتخابات وعجاجه الحملات الانتخابية يصعب الرؤية .. 

ويوميه راح يدك بابك واحد – ويسوي نفسه أبو زيد الهلالي .. أنا والطوفان من بعدي ..

ناهيك عن المغريات الضحلة اللي صارت لعبان نفس .. 

المسألة شوية ينرادله تدقيق وتمحص وحرص بالأختيار ..

هسة كثروا علينه أصحاب (الشهادات التعبانه ما تعرف صدكها من جذبها ) .. 

والخوش ولد , ويسوي شغل , ويدير باله عليكم هم كثرت .. 

نرد ردود للسؤال شلون نختار ؟ 

المجرب لا يجرب هاي خوش معيار نقيس بيه .. ونطلع الفاشلين .. 

يبقه علينا الباقين .. نفكر ونتمعن زين .. 

هذا المرشح قدم نفسه للجمهور بشكل عام واضح كولش والناس ممكن تعرف عنه القريب والبعيد .. مو بس اقاربه ودائرته. 

هذا المرشح فعلا متمكن بتخصص قريب لعمل ومهام البرلمان والدولة ؟ 

ما نريد ياهو الجان .. التخصص مهم جداً .. 

هذا المرشح ملامح برنامج عمله حقيقي وقادر على الأداء ؟ لو سوالف وسبيس !!

ما نريد اللي يسوي الشط مرك والزو خواشيك  

نريد المتمكن, والشخصية القوية, واللي يفيد البلد مو نفكر بمنافع وقتية.. 

وهسة بقت يمنه .. لو نعيد التجربة ويظل البلد وأحنه نعاني .. 

لو لا والله نتفكر وبعد ما نكرر الخطأ ونشخلهم شخل ونختار صدگ .. 

العراق برگبتنه كلنه  ..