قصتي مع بائع الاحذية والقوط والداعشي ابو ابو بكر البغدادي
- التفاصيل
- المجموعة: الفضاء الحر
- تم إنشاءه بتاريخ الإثنين, 07 تموز/يوليو 2014 02:31
- نشر بتاريخ الإثنين, 07 تموز/يوليو 2014 02:31
- الزيارات: 3472
حرامي بغداد :
اليوم العصر معزوم فطور يم احد الاخوان وهو شخص سياسي ومثقف وعازم هواي ناس مثقفين وسياسيين فكلت خلي اروح أ أجر تكرمون حذاء وقاط حلو لان قاطي تعب من كد اللبس والحذاء مالتي مال كابوي مو مال قماش المهم رحت للسوك ودخلت على ابو المحل فستغربت منه وخال التلفزيون على قناة العربية الحدث ويتابع اخبار واسمع كلامه يكول اللهم انصر المجاهدين وشكله خايف فأني استغربت وكتله شبيك اشو جنك خايف؟؟!!
كال ليش اخاف مدام الدولة الاسلامية موجودة والخليفة ابو بكر البغدادي بخير بعد من شنو اخاف!!
كتلة قصدك داعش مو؟؟!!
كال شنو داعش هذا خليفة المسلمين وكلنة بايعنهاه!!
كتله انت تعرفه شخصيا؟؟!!
كال لا ما اعرفه شخصياً!!
كتله لعد شلون تبايعه اذا متعرفه!!
كال مو شرط اعرفه هذا الخليفة وغصباً عليه ابايعه!!
المهم كلت خلي أ أجر قاط وحذاء وطلع لان اذا ابقة احجي ويه هذا ابو المحل احتمال يعلسني لداعش فشفت القوط كلهة متعجب ومو حلوات بس لكيت حذاء حلو وكتله اريد أ أجر هذا الحذاء!!
فكلي انطيني جنسيتك وبطاقة التومينية امانة يمي!!
كتله ماشايلهن وياي بس بيتنة ورة السوك واني معروف بالسوك!!
كلي والله اعذرني اني ما اعرف ما اكدر انطيك الحذاء!!
كتله منو الاهم عندك الدين لو الحذاء؟؟!!
كلي ليش؟؟
كتله الحذاء متنطيهة لواحد متعرفه بس دينك تسلمه لواحد متعرفه مو؟؟؟؟.