كيف تتجول وتتنقل في العاصمة طهران بطريقة سهلة وبأرخص الاسعار

التفاصيل

المجموعة: الفضاء الحر

تم إنشاءه بتاريخ الأحد, 02 شباط/فبراير 2020 23:11

نشر بتاريخ الأحد, 02 شباط/فبراير 2020 23:11

كتب بواسطة: ناظم

الزيارات: 2778

اغلب ناس الي تروح الى طهران تصرف كومه فلوس علمود تكسيات وتنقل من منطقه الى اخرى.

راح احجيلكم شويه عن مترو الموجود بطهران وتنقل بيه كلش سهل وسعره كلش رخيص سعر تذكره ٢تومان ويمكن اقل ما اذكر..يوديك من شمال الى جنوب و من غرب الى شرق..

- اني راح احجيلكم على خط رقم ١ الي هو بالون احمر:

- يبدأ هذا خط من تجريش الي هي شمال طهران ( دربند) يمر بعدت محطات الى ان يوصل الى اخر محطه بالجنوب كهرزنيك.
- معلومة: مترو ساعه ١١ بليل ينسد!

- اغلب ناس الي تروح طهران تسكن اما دولة اباد او سعيد جنوبي او ناصر خسروا.
- نجي الي يكعدون بدولة اباد اقرب مترو الكم
هو جوانمرد قصاب
والي يكعدون سعيد جنوبي او.. ناصر خسرو.. يكون اقرب مترو الكم ١٥ خرداد ( بانزاه خرداد)

- هسه نجي شنو هذا خط بيه اماكن سياحية:

- اول شيء نبدي من شمال تجريش ( الي بيه قصره شاه و امام زاده صالح والي دربند احلى واجمل المناطق.. وبالاضافة الى سوق للتسوق عوائل)
طريق نصف ساعه او ٤٥ دقيقه بالمترو وبسعر ٢ تومان يوديك
- اما اذا تكسي فمبلغ : ١٠٠ تومان او ٢٠٠ او ٣٠٠تومان

منطقه ثانية اسمها شهيد حقاني:
- تنزل بيه اكو ٣ منتزهات .. من تنزل بهاي محطه اول منبدي بمنتزه طالقاني عبارة عن غابة وصعدو (تل).. من ثم بصفه مباشرتا جسر( بل) طبيعت، و جسر ذات منظر خرافي خصوصا بوقت الغروب.. يعبرك الى منتزه الثالث اسمه( آب اتيش).

- المنطقة الثالثةهي : بانزده خرداد .. وهي مركز طهران..  وبيه مكان للتسوق العائلي
.. وقصر كلستان متحف في غاية الروعة.. ويكون قريب عليه منتزه شهر ( بارگ شهر) الي هو اكبر منتزه في طهران.. تركب تكسي ٢ تومان تقريبا نفر يوصلك للمنتزة.

المنطقة الثالثة:
مولوي.. و بعدها منطقة (شوش) وه مكان للتسوق العائلي فقط.

المنطقة الرابعة:

 ترمينال جنوب
الي هو كراج جنوبي في طهران ( تكدر) تنزل بيه تروح الى مدينة قم.

المنطقة الخامسة:

وهي منطقة ( شهر ري ) الي هي بيه سوق للتسوق، وبيها مزار شاه عبد العظيم.

المنطقة السادسة:

منطقة حرم مطهر.. وفيها:  امام الخميني ، وهو مكان كلش حلو هناك .. وتكدر هناك من التقاط الصور التذكارية:

- اذن : حجيت الكم عن خط واحد ، وهو من شمال الى جنوب ..وطبعا بعد..  اكو - كومه-  مناطق سياحية .. وهي مثلا:  تكجر..  تروح الها عن طريق الــ : مترو .. وبسعر رخيص..
مثل:  برح ميلاد.. او  مثل حديقة الحيوانات .. ومثل مدينة الالعاب .. ومثل البحيرة الاصطناعية.. وهي في غاية الروعة والجمال.. مثل منطقة : كرج
 ، وايضا : حديقة الزهور.