إن بعض الظن اثم ...

التفاصيل

المجموعة: الفضاء الحر

تم إنشاءه بتاريخ الأربعاء, 14 شباط/فبراير 2018 14:08

نشر بتاريخ الأربعاء, 14 شباط/فبراير 2018 14:08

كتب بواسطة: ناظم

الزيارات: 1719

كتب / ابو محمد التميمي :

مولاي أنت من حقك تگول عالمعممين كلهم حرامية لأن أنت ما دارس بالنجف وصاحبك " المعمم " تجيه أيام يگلك : محتاج ٥ آلاف دينار ماعندي كروة أرجع لأهلي صار شهرين ما شايفهم .. 

بالوقت الي يگدر ينتمي بيه لجهة تغرگه فلوس .!
أنت ما شايف من تجون تلاثة أربعة حتى تگعدون بمطعم وواحد منكم يگول آني شبعان .. 
ما أگدر ، 
أنتظركم بفلان مكان .. 
وهو مو شبعان ، هو ماعنده فلوس ويستحي يدخل ..
أنت ما شايف مئات طلبة الحوزة يتغدى صمونتين بـ ٢٥٠ دينار واستكان چاي .. 
أنت ماصايرة عندك فاتحة ويجي خطيب يختمها إلك بمحاضرة ومن تنطيه فلوس يگلك : إنطيهن لمحتاج . وهو نفسه محتاج بس مياخذهن ...
أنت تشوف معممين السياسة ، تشوف معممين الفضائيات ، تشوف معممين المؤسسات والمخصصات والرواتب الضخمة ، أنت متشوف آلاف الطلبة الي محد يعرفهم ولا يريدون أحد يعرفهم ..
#هذا واقع لانسقط علماء الدين لأن اشرف منهم مراح نلكه واقصد منهم الي نذكروا فوك
الف تحية لعاصمة العلم و علمائها و طلابها .